BeXreal proiektua Crowdlending Bizkaia plataformaren bidez finantzatzeko erronda arrakastaz itxi izana beste mugarri bat da lurraldeko ekintzailetza berritzailea bultzatzeko.

12 ordutan soilik, finantzaketa erronda berri bat ixtea lortu da Crowdlednding Bizkaian: 200.000 €, beXRealen hazkundea bultzatzeko. Eragiketa horrek berretsi egiten du berrikuntzarekin, tokiko inpaktuarekin eta konfiantzarekin lotutako partaidetzazko finantzaketa ereduekiko interesa dagoela.

Eragiketari esker, beXrealek aurrera egin ahal izango du hazkunderako bere estrategian, potentzial handiko proiektu teknologikoekin konprometitutako komunitate inbertitzailearen parte-hartzeari esker. Erronda itxi izanak indartu egiten du Crowdlending Bizkaiak finantza-tresna arin, garden eta fase goiztiarretako enpresa-ekimenak babestera bideratutako gisa duen zeregina.

beXreal, berrikuntza enpresa-parkeak eraldatzeko

TwinParks beXRealek bultzatutako ekimen teknologikoa da, UNE00087ren arabera industria-parkeetarako datu-espazio bat sortzera bideratua, Europako datu-esparruarekin modu naturalean lerrokatuta, eta enpresa-ekosistemetarako azpiegitura digital berri gisa pentsatuta, enpresak, azpiegiturak eta zerbitzuak konektatu ahal izateko, informazio-truke segurua eta datuetan oinarritutako zerbitzu berrien garapena erraztuz.

Gaur egun, industria-parke askok informazio ugari biltzen dute enpresetatik, sentsoreetatik, azpiegituretatik, logistikatik, energiatik edo segurtasunetik, baina datu horiek zatikatuta eta gutxi konektatuta egoten dira, eta horrek ekosistema osoaren balioa sortzeko eta eraginkortasuna hobetzeko duten gaitasuna mugatzen du.

TwinParksek erronka horri datu-espazioko plataforma elkarreragile baten bidez ekitea proposatzen du. Plataforma hori industriako datuen subiranotasuna bermatzeko dago diseinatuta, eta erakunde bakoitzak bere informazioaren gaineko kontrolari eustea ahalbidetzen du, partekatzeko eta lankidetzan aritzeko mekanismo seguruak gaitzen diren bitartean.

Crowdlending Bizkaia

Crowdlending Bizkaia, lurraldeko enpresa berritzaileei finantzaketa eskuratzen laguntzeko Seed Capital Bizkaiak sustatutako finantza-tresna berria da. Kreditu-bide tradizionalak osatzea du helburu, inbertsio publikoa eta herritarren edo enpresen parte-hartzea uztartzen dituen partaidetzazko mailegu-eredu baten bidez.